Yangi yil tadbirlari sababli Toshkentdagi ayrim ko‘chalar yopiladi

Toshkent shahrida yangi yil bayramiga tayyorgarlik ko‘rish va uni yuqori saviyada o‘tkazish maqsadida ayrim ko‘chalarda transport harakati cheklanadi. Hokimlik xabar berishicha, 15 dekabrdan 2026 yilning 15 yanvarigacha O‘zbekiston Milliy kutubxonasi oldida, Zarafshon ko‘chasi bilan Istiqlol ko‘chasi, hamda Buyuk Turon ko‘chasi ustida harakat bo‘yicha o‘zgarishlar kiritiladi.

Shuningdek, 17 dekabrdan 5 yanvargacha Taras Shevchenko ko‘chasida ham transport vositalari uchun cheklovlar o‘rnatilishi belgilangan. Shu sababli, haydovchilardan o‘z yo‘nalishlarini qayta ko‘rib chiqish, harakatni to‘sqinliksiz rejalashtirish talab etiladi. Bayram tadbirlari davomida aholi xavfsizligi va jamoat tartibiga alohida e’tibor qaratiladi.