Ayrim yo‘l qoidabuzarliklar uchun ogohlantirish joriy etildi

2026 yil 4 fevralda qabul qilingan qonun (O‘RQ–1116)ga muvofiq, yo‘l harakati xavfsizligi bilan bog‘liq kam ahamiyatli qoidabuzarliklar uchun ma’muriy ogohlantirish berish mumkin bo‘ladi.

Ma’muriy ogohlantirish — huquqbuzarga qonunga xilof harakatlarni takrorlamaslik haqida rasmiy eslatma bo‘lib, u yozma yoki elektron shaklda taqdim etilishi mumkin.

Ogohlantirish quyidagi moddalar bo‘yicha qo‘llanadi:

— 125-modda (1–2 qismlar);

— 128¹, 128², 128⁶-moddalar;

— 135¹-modda;

— 138-modda (1–2 qismlar).

Ma’lum qilinishicha, bir shaxsga nisbatan ogohlantirish yiliga faqat bir marta qo‘llanishi mumkin.