Toshkentda Islom Karimov sharafiga ishlangan 68 haykal loyihasi namoyish etildi (foto)

O‘zbekiston Badiiy akademiyasining Markaziy ko‘rgazmalari zalida 3 aprel, dushanba kuni Islom Karimov haykalini yaratish bo‘yicha xalqaro ochiq tanlov ko‘rgazmasi ochildi. Bu haqda \"UzNews\"ga tayanib \"Daryo\" xabar berdi.

Tanlovda O‘zbekiston, Ukraina, Janubiy Koreya, Turkmaniston, Italiya, Avstraliya va Germaniyadan 58 nafar haykaltarosh qatnashdi. Ular tomonidan jami 68 loyiha taqdim etilgan.

Tanlov g‘oliblari tarkibi O‘zbekiston hukumati tomonidan tasdiqlangan hakamlar hay’ati tomonidan aniqlanadi. UzNews nashri ko‘rgazmaga qo‘yilgan loyihalar suratlarini taqdim etdi (barcha suratlarni bu erda ko‘rish mumkin).