Yana bir vazirlik mansabdori tuman hokimligiga tushirildi

Toshkent shahri Yashnobod tumaniga yangi hokim tayinlandi. «Kun.uz» manbasi ma’lum qilishicha, bu lavozimga Dilmurod Turdiev Rahmatjonovich tayinlangan.

Turdiev bungacha Iqtisodiyot vaziri o‘rinbosari sifatida faoliyat yuritib kelayotgandi.

Yashnobod tumanining avvalgi hokimi Hakimov Farrux Irkinovichning keyingi faoliyati haqida hozircha ma’lumot yo‘q.

Toshkent shahri hokimiyatidagi manbaning bildirishicha, yana boshqa tumanlarda rahbarlar o‘zgarishi kutilmoqda.