Rossiya O‘zbekistonga yangi kreditlar berishi mumkin

Rossiya bosh vaziri o‘rinbosari Dmitriy Kozak Rossiya va O‘zbekiston o‘rtasida o‘zaro moliyaviy e’tirozlarni hal qilish haqida imzolangan bitim O‘zbekistonga yangi kredit liniyalarini ochish imkonini berishini ma’lum qildi, deya xabar bermoqda TASS.
“Shunday mavzu bor, uni hukumatlararo komissiya doirasida ko‘rib chiqamiz”, — dedi Kozak.
Kozakning aytishicha, ikki davlat prezidentlarining bugungi uchrashuvida yangi kreditlar berish masalasi “aniq-ravshan muhokama qilinmadi”.
Avvalroq Evroosiyo iqtisodiy ittifoqi va O‘zbekiston erkin savdo zonasi bo‘yicha muhokama majlisi o‘tkazishi ma’lum bo‘lgan edi.

Manba: Kun.uz