1 iyuldan davlat xizmatchilarining ish haqlari oshirilishi mumkin

Shavkat Mirziyoyevning Qashqadaryo viloyatiga qilgan tashrifida bergan topshirig‘iga asosan, 2018 yilda davlat xizmatlari sifatini yaxshilash hamda byudjet xodimlarining kasb mahoratini oshirishni rag‘batlantirish uchun byudjet sohasi ayrim xodimlari ish haqi miqdorlarini tabaqalashtirilgan holda oshirish rejalashtirilgan.

Bu haqda O‘zbekiston Respublikasi Iqtisodiyot vazirining birinchi o‘rinbosari Mubin Mirzaev ma’lum qilgan.

Mubin Mirzayevning qo‘shimcha qilishicha, davlat xizmatchilarining ish haqlari qo‘shimcha ravishda amaldagi inflyatsiya darajasidan kelib chiqib, joriy yilning 1 iyulidan 6-8 foiz oshirish mo‘ljallanmoqda. Yil oxiriga borib yana shuncha miqdorda ko‘paytirilishi rejalashtirilgan.