Abdurashid Isroilov “Asaka” banki raisi o‘rinbosari etib tayinlandi

Isroilov Abdurashid Abdurahmonovich “Asaka” aksiyadorlik tijorat banki Boshqaruv raisi o‘rinbosari etib tayinlandi. Tayinlov haqidagi qaror bank Kengashi tomonidan 19 fevralda qabul qilindi. Bu haqda “UzReport”ga tayanib “Daryo” xabar berdi.

Ushbu lavozimda Abdurashid Isroilov iqtisodiy tahlil, strategik rivojlanish, uslubiy ishlar koordinatsiyasi, xodimlar bilan ishlash, axborot xizmati, ijrochilik intizomi, murojaatlar, o‘quv markazi va kanselyariya masalalarini nazorat qiladi.

Bungacha Abdurashid Isroilov O‘zbekiston Respublikasi Tashqi iqtisodiy faoliyat milliy banki ichki nazorat departamenti direktori lavozimida ishlagan.