Jamshid Qo‘chqorov: "Nonning narxi oshirilmadi, balki erkinlashtirildi"

Moliya vazirligi G‘aznachiligida Moliya vazirligi tizimidagi mas’ul mutaxassislar, jurnalistlar ishtirokida ochiq muloqot bo‘lib o‘tmoqda. Bu haqda Kun.uz nashri xabar berdi.

O‘zbekiston Respublikasi bosh vaziri o‘rinbosari – moliya vaziri Jamshid Qo‘chqorovning aytishicha, bu safargi narx-navolarning oshirilishi avvalgilaridan farq qiladi hamda islohotlarga yordam berishi kerak.

“Masalan, nonning narxini bunday olib qaraganda oshirmadik, balki erkinlashtirdik. Davlat hech kimga un ham, non ham, elektr energiya ham sotmaydi. U o‘rtada adolatli savdo bo‘lishini ta’minlashi kerak bo‘lgan tashkilot. Bu islohotlarning maqsadi narxni oshirish emas, balki tagida bozor turibdi”, - dedi Jamshid Qo‘chqorov.

Eslatib o‘tamiz, avvalroq O‘zbekistonda «buxanka» non narxi noyabrda yana oshishi mumkin ekani xabar qilingandi.