Тошкентда йирик ёнғин. Қурбонлар бўлиши мумкин (фото ва видео)

Бугун, 23 февраль куни Тошкент шаҳрида йирик ёнғин рўй берди. Чилонзор туманида, «Мирзо Улуғбек» метро бекати ҳудудида, Олий хўжалик суди биноси яқинида жойлашган бино ёнган, деб ёзмоқда Кун нашри.

Ижтимоий тармоқда тарқалган видеода ёнғин кўлами катта бўлганини кўриш мумкин. Видеода шунингдек, воқеа жойида бўлганлар томонидан бино ичида одамлар қолиб кетганини, кўп эҳтимол билан ҳалок бўлгани айтилган.

Воқеа жойига ўт ўчирувчилар етиб келишган ва бино ичидаги одамларни олиб чиқа бошлашган.