Қазақстан Ұлттық қауіпсіздік комитеті Алматы қаласында теракттің алдын алуға қол жеткізді. Бұл туралы комитеттің баспасөз қызметі хабарлады.
Қылмысты жүзеге асыруға дайындалып жатқан террорлық топтың құрамында бес шетел азаматы болғаны анықталды. Олар терактке дайындық кезеңінде қолға түскен.
Қыркүйек және қазан айларында терроризмді насихаттады деген күдікпен сегіз Қазақстан азаматы ұсталған. Соңғы екі айдың ішінде алты адам террористік және экстремистік қылмыстары үшін сот арқылы кінәлі деп танылған.
«Жыл басынан бері осындай қылмыстар үшін 89 адам, оның ішінде алты шетелдік жауапқа тартылды», — делінген Ұлттық қауіпсіздік комитетінің мәліметінде. Еске салсақ, биылғы қыркүйек айының басында Өзбекстанда 20 бүлікші ұйым жақтастарының үстінен үкім шығарылған еді.
Ұйым мүшелері жарылғыш заттар мен улы құралдардың қасиеттерін зерттеген. Олардың төртеуі Сирияға барып, ондағы террорлық топтар қатарына қосыла алған.
