Гамбург қаласының соты ресейлік кәсіпкер Әлішер Усманов пен оның қарындасы Саодат Нарзиеваға тағылған айыптарды негізсіз деп анықтады. Бұл туралы Усмановтың адвокаты Йоахим Штайнхефел хабарлады.
Сот шешімінде Германия азаматы Facebook арқылы Усмановтың өз қаражатын Швейцария банкіндегі есепшотта жасырғанын және оны қарындасы Нарзиева атына рәсімдегенін жазғаны айтылған. Алайда бұл мәлімдемелерге шындыққа сай емес деген баға берілді.
Адвокаттың айтуынша, сот тағы да Усманов пен оның туыстарына қатысты айыптардың нақты дәлелдермен расталмағанын атап көрсетті. Сонымен бірге, Еуропалық Одақ Саодат Нарзиеваны санкциялар тізімінен шығарып, оны қате енгізілгені үшін кешірім сұраған.
Кәсіпкер өкілдерінің айтуынша, 2022 жылы жарияланған осындай мәлімдемелер Еуропалық Одақ пен Ұлыбритания тарапынан Саодат Нарзиеваға қарсы санкция салуға негіз болған. Биылғы қыркүйек айында осы тұлға Facebook желісінде тағы бір рет Нарзиева "Credit Suisse" банкіндегі есепшоттардың бенефициары екен деп мәлімдеді.
Алайда, сот бұл мәлімдемелерді жалған деп танып, мұндай ақпараттарды таратуға тыйым салды. Аталған тыйымды бұзу 250 мың еуроға дейін айыппұлмен немесе әкімшілік қамаумен жазалануы мүмкін.
