Өзбекстан Республикасы Президенті Шавкат Мирзиёев ел медицина қызметкерлерін кәсіби мерекесі – Медицина қызметкерлері күнімен құттықтады. Бұл мереке әр жылы қараша айының екінші жексенбісінде кеңінен тойланады.
Мемлекет басшысы өз құттықтау сөзінде медицина саласы қызметкерлерінің халық денсаулығын қорғаудағы еңбектерін жоғары бағалайтынын білдіріп, соңғы жылдары денсаулық сақтау жүйесінде жеткен жетістіктерді ерекше атап өтті. Президент былай деді: “Шын жүректен сіздерді – халқымыздың денсаулығын қорғайтындарды кәсіби мерекелеріңізбен құттықтаймын.
Сіздерге терең құрмет пен ізгі тілектерімді білдіремін.” Президенттің айтуынша, соңғы жылдары денсаулық сақтау жүйесіне бөлінетін қаражат алты есе көбейді, жоғары сапалы медициналық қызметтер халыққа, соның ішінде махалла деңгейінде жақындады. Бүгінгі күні аймақтық орталықтарда бұрын тек астанада қолжетімді болған 400-ден астам жоғары технологиялы медициналық қызметтер көрсетілуде.
Шавкат Мирзиёевтің сөзіне қарағанда, жүзеге асырылған реформалардың нәтижесінде аналар өлімі көрсеткіші 21 промилледен 11 промиллеге, ал нәрестелер өлімі 11,5 промилледен 7,8 промиллеге азайған. Президент денсаулық сақтау саласын цифрландыруда қол жеткізілген жетістіктерге де тоқталып өтті: “DMED бірыңғай электронды ақпараттық платформасы іске қосылды, бұл жүйеде 36 миллионнан астам азаматтың медициналық мәліметтері бар.
Жасанды интеллект көмегімен жүргізілетін медициналық тексерулер саны 43 түрге жетті.” Сондай-ақ мемлекет басшысы елде робототехникалар, жедел жәрдем шақыртуларын басқарудың электронды жүйесі енгізіліп жатқаны және медициналық сақтандыру жүйесін енгізу жұмыстары жалғасып жатқанын айтты. Президент жеке сектор дамуына да назар аударды.
Соңғы сегіз жыл ішінде жеке клиникалар саны 3,5 мыңнан 9 мыңға дейін өскен, олар ұсынатын қызметтер саны 130 түрге жеткен. Президент фармацевтика саласындағы жетістіктерді де атап өтті: “2017 жылдан бері ұлттық өндіріс көлемі 1,4 триллион өзбек сомынан 6,3 триллион сомға дейін ұлғайды, экспорт 6,3 миллион доллардан 250 миллион долларға дейін өсті.” Шавкат Мирзиёевтің айтуынша, медицина кадрларын дайындау деңгейін арттыру мақсатында Ташкент мемлекеттік медицина университеті құрылды, Ургенч және Самарқанд жоғарғы оқу орындарының қызметі нығайтылды, сегіз медицина университеті халықаралық аккредитациядан өтті.
Президент сондай-ақ, Өзбекстанда орташа өмір сүру ұзақтығы 73,8 жылдан 75,1 жылға өскенін ерекше атап өтті және бұл жетістіктерде медицина қызметкерлерінің үлесі зор екенін айтты. “Тағы бір рет сіздерді кәсіби мерекелеріңізбен құттықтаймын, денсаулық, абыройлы қызметтеріңізде табыстар, отбасыларыңызға бақыт, бейбітшілік және береке тілеймін”, – деді мемлекет басшысы.
