Реал Винисиусқа 2026 жылы жаңа келісімшарт ұсынады

Мадридтің "Реал" клубы шабуылшы Винисиус Жуниормен қоштасқысы келмейді. Бразилиялық футболшы жақында "Севильяға" қарсы матчта "Сантьяго Бернабеу" трибуналарынан ысқырыққа ұшырағаннан кейін БАҚ-та оның "корольдік клуб" қатарынан жақын арада кетуі туралы қауесеттер тарады.

Алайда журналист Аранча Родригестің хабарлауынша, "Реал" әлі де Винисиустың жарқын болашағына сенеді. 2026 жылы футболшыға жаңа келісімшарт ұсынылады.

25 жастағы футболшының "корольдік" клубпен қазіргі келісімі 2027 жылдың ортасында аяқталады. Transfermarkt сарапшыларының бағалауы бойынша, шабуылшының құны 150 млн еуроны құрайды.