«Bavariya» qaqpashysy Manuel Neuer sol baltyryndaǵy bulshyq et jaraqaty saldarynan senbi kúni ótetin Germaniya kubogynyń finalynda VfB Stuttgart komandasyna qarsy alańǵa shyǵa almaidy. Myunhen kluby juma kúni tańerteń Neuerdiń komandany qoldaý úshin Berlinge baratynyn, alaıda oıynǵa áli daıyn emestigin resmı rastady. Bul týraly Goal.com habarlaıdy.
Sky habaryna qaraǵanda, Manuel Neuerdiń qalypqa kelý protsesi oń nátıje berýde, biraq azdaǵan qaýip áli de bar. 40 jastaǵy qaqpashy Álem chempionaty aldynda densaýlyǵyn qaýipke tike bermeýdi sheshti. Ol aldaǵy týrnırde Germaniya quramasynyń negizgi qaqpashysy retinde alańǵa shyǵady dep kútilýde.
Fınaldyq kezdesýde onyń ornyn taǵy da Jonas Urbig alady. 22 jastaǵy qosalqy qaqpashy úshin bul aǵymdaǵy maýsymdaǵy 20-oıyn jáne mansabyndaǵy eń mańyzdy kezdesý bolmaq. Sondaı-aq, bas bapker Vincent Kompany tizimine Sven Ulreich pen Jannis Bärtl de engen.
Neuer aǵymdaǵy maýsymda bulshyq et jyrtylýyna baılanysty jeltoqsan, aqpan jáne naýryz aılarynda da saftan shyqqan bolatyn. Býndeslıganyń sońǵy týrynda «1. FC Köln» ústinen qol jetkizilgen 5:1 esebindegi jeńis kezinde ol saqtandyryý sharasy retinde almastyrylǵan edi. Sondaı-aq, tájirıbeli qaqpashy ótken jeksenbi kúni klubpen kelisimshartyn 2027-jylǵa deıin uzartty.
Beısenbi kúni bapker Nagelsmann ony Soltústik Amerikada ótetin Álem chempionaty úshin Germaniya quramasynyń keńeıtilgen quramyna engizdi. Quryma óz daıyndyq protsesin sársenbi kúni Herzogenaurach qalasynda bastaıdy.
“Zamin”-ді Telegram-нан оқыңыз!
