Өзбекстанның кейбір өңірлерінде электрмен қамтамасыз етуде қысқа мерзімді үзілулер болуы мүмкін. Энергетика министрлігінің мәліметіне сәйкес, бұл Сырдария жылу электр станциясында ақаулы роторды ауыстыру және күн электр станцияларының өндірістік қуатының төмендеуімен байланысты.
Электрмен жабдықтаудағы бұл үзілістер, негізінен, сағат 17:00-ден 21:00-ге дейінгі уақыт аралығында байқалады. Қажет болған жағдайда, тұтынушылар алдын ала ескертіледі.
Министрлік бұл шаралардың энергиямен жабдықтаудың тұрақтылығы мен қауіпсіздігін қамтамасыз етуге бағытталғанын атап өтті. Сырдария ЖЭС-ке Жапонияда өндірілген, 1 500 мегаватт қуатқа ие жаңа ротор орнату жоспарланып отыр.
Құрылғыларды орнату жұмыстары шамамен бір айға созылуы мүмкін. Жоғалған қуатты өтеу үшін резервтік көздер мен жақында іске қосылған жаңа энергоблоктар тартылатын болады.
Сырдария ЖЭС 1972 жылы Шырын қаласында салынған. Станцияның жалпы қуаты 3 200 мегаваттан асады.
2018-2021 жылдары станцияда алты энергоблок жаңғыртылып, олардың әрқайсысының қуаты 325 мегаватқа жеткізілген.
«Меҳмон» тобындағы келушілер бұл жарияланымға пікір қалдыра алмайды.
