Өзбекстанда 2025 жыл бойы 787 километр магистральдық электр беру желілері күрделі жөндеуден өтті. Бұл туралы Энергетика министрлігі өткен жылдың қорытындысы бойынша мәлімет берді. Бұл туралы kursiv.uz жаздыхабарлайды.
Есепке сәйкес, ел бойынша 29,5 мың километр тарату электр желілері жөнделді. Сондай-ақ магистральдық қосалқы станциялардағы 9 трансформатор және 10,2 мың трансформатор пункті қалпына келтірілді.
Жаңғырту және реконструкция жұмыстары аясында тағы 8,6 мың километр электр беру желісі, 2,3 мың трансформатор пункті және 28 қосалқы станция жаңартылды. Нәтижесінде 800 мыңнан астам үй шаруашылығында электрмен жабдықтау сапасы жақсарғаны атап өтілді.
Инфрақұрылым жаңартылуы аясында жыл ішінде тұтынушыларға жеткізілген электр энергиясының көлемі 14%-ға өсіп, 77,1 млрд кВт·сағ-қа жетті.
2025 жылы республикада «жасыл» энергетика бағыты да кеңейтілді: жалпы қуаты 2 ГВт болатын шағын күн қондырғылары іске қосылды. Электр энергиясын үнемдеу көрсеткіші 2,7 млрд кВт·сағ болды.
“Zamin”-ді Telegram-нан оқыңыз!
