Тимптон Моторкйклес янги Специал круизерини тақдим этади
Россиянинг Тимптон Моторкйклес бренди 30-май куни Санкт-Петербургда ўзининг янги Специал моделини намойиш этади. Бу компаниянинг 800 куб ҳажмли двигателга эга бешинчи мотоцикли бўлиб, у узун ғилдирак базаси ва массив кўринишга эга йирик круизер форматида ишлаб чиқилган. Бу ҳақда Ixbt.com хабар беради.
Мотоцикл 57 от кучига эга 800 куб ҳажмли В-симон 2 цилиндрли двигател билан жиҳозланган. Двигател ишлаб чиқарувчиси Гаокин бўлиб, ушбу агрегат машҳур Ротах моторининг нусхаси ҳисобланади ва у Стелс ҳамда Гроза каби брендлар томонидан ҳам қўлланилади. Техник қисм 6 поғонали узатмалар қутиси, АБС тизимига эга Ниссин тормозлари ва Континентал камарли узатмаси билан тўлдирилган.
Тимптон Специал моделининг узунлиги 2,6 метрни, ғилдирак базаси эса 1650 миллиметрни ташкил этади. Мотоциклнинг оғирлиги 260 килограммга етади. Харидорларга бир кишилик ва икки кишилик ўриндиқли версиялар таклиф қилинади.
Янги модел қулайлик учун ўриндиқ ва тутқичларни иситиш тизими, смартфон ҳамда навигаторларни қувватлаш учун USB-улагич ҳамда замонавий ЛEД ёритиш ускуналари билан жиҳозланган. Бренд 800 куб ҳажмли моделлар қаторидан ташқари, 500 куб ҳажмли двигателга эга ихчамроқ Х500К мотоциклини ҳам таклиф этади.
