BYD иккинчи авлод Бладе Баттерй батареяларининг юқори самарадорлигини эълон қилди
BYD компаниясининг батареялар бўлинмаси техник директори Сун Ҳуажун литий-темир-фосфат (ЛФП) технологиясининг келажаги ҳақида ўз қарашларини маълум қилди. Компаниянинг иккинчи авлод Бладе Баттерй батареялари 1500 кВ қувватга эга станцияларда атиги тўққиз дақиқа ичида 10 фоиздан 97 фоизгача қувват олиш имкониятига эга. Бу ҳақда Ixbt.com хабар беради.
Ҳатто -30°К совуқда ҳам батарея самарадорлигини йўқотмайди: қувватлаш жараёни хона ҳароратига нисбатан атиги уч дақиқага кўпроқ вақт олади. BYD ушбу технологияни қўллаб-қувватлаш учун "Флаш Чарге Чина" стратегиясини ишга тушириб, йил охиригача 20 000 та тезкор қувватлаш станциясини ўрнатишни режалаштирмоқда.
Баъзи экспертлар юқори қувват батареянинг қизиб кетишига ва унинг ишлаш муддатига салбий таъсир кўрсатишидан хавотир билдирган бўлса-да, Сун Ҳуажун бу хавотирларни асоссиз деб атади. Унинг сўзларига кўра, Бладе Баттерй батареясининг симметрик тузилиши ва икки томонлама совутиш тизими иссиқликни самарали бошқариш имконини беради.
Компания батарея ишончлилигини текшириш учун 1000 дан ортиқ тўлиқ тезкор қувватлаш сиклларини ўтказди ва экстремал масофаларга қилинган сафарларни моделлаштирди. Шунингдек, яқинда ўтказилган жонли эфирда блогерлар батарея блокини турли механик асбоблар ёрдамида қисмларга ажратиб, унинг мустаҳкамлигини амалда намойиш этишди.
