Украинадаги урушнинг 238-куни: Донецкда жанг қилаётган ҳарбийлар, Харьковда «уруш-уруш» ўйнаётган болалар (фото)

19 октябр куни Владимир Путин Украинанинг аннексия қилинган ҳудудларида ҳарбий ҳолат жорий этиш тўғрисидаги фармонини имзолади. Россиянинг чегара регионларида эса алоҳида режим жорий этилади ва унга кўра маҳаллий расмийлар комендатлик соати эълон қилиш, ҳудудга кириш ва чиқишда чекловлар ўрнатиш, шунингдек аҳолини эвакуация қилиш ҳуқуқига эга бўлади.

Херсон областининг Россия томонидан тайинланган маъмурияти вакиллари Украина қуролли кучлари қарши ҳужум бошлаганини маълум қилишди: областнинг россияпараст расмийлари Днепрнинг чап соҳилига кўчиб ўтмоқда, маҳаллий аҳоли ҳам кетишга чақирилмоқда. Украина катта юриш ҳақидаги хабарларни изоҳламади. Украина халқи ва президент Володимир Зеленский Андрей Сахаров номидаги «Фикр эркинлиги учун» мукофотига лойиқ кўрилди — бу Евроиттифоқнинг инсон ҳуқуқлари соҳасидаги бош мукофотидир.

Қуйида 19 октябр, урушнинг 238-кунида Украина ва Россияда олинган асосий суратлар.

Путин Украинанинг босиб олинган ҳудудларда ҳарбий ҳолат эълон қилди

^{Путин Украинанинг РФ таркибига қўшиб олинган тўрт ҳудуди — Запорижжя, Херсон, «ДХР» ва «ЛХР»да ҳарбий ҳолат жорий этиш тўғрисидаги фармонини имзолади. Фармонга кўра, аннекся қилинган регионларда «ҳудудий мудофаа қисмлари» ташкил этилади, РФнинг яна саккиз регионида «жавоб қайтаришнинг ўрта даражаси» жорий этилади, Марказий ва Жанубий федерал округларда — «юқори даражадаги тайёргарлик даражаси», РФнинг қолган субъектларида — «базавий тайёргарлик даражаси» амал қилади.
Сергей Ильин / AP / Scanpix / LETA}
Донецк областида Украина артиллерияси

<sup>Украин ҳарбийлари Донецк областидаги позицияда РФ ҳужумига жавобан полшаликларнинг Krab русумли 155-миллиметр калибрли гусеницали ўзиюрар артиллерия қурилмасидан ўт очмоқда. Донецк области ҳарбий маъмурияти баҳоларига кўра, Россия қўшини Донецк йўналишида фаол равишда ўт очишни давом эттирмоқда. Марьинская ва Авдеевка зарба остида. Жабрланганлар ҳақида маълумот келиб тушмаган.
Dimitar DILKOFF / AFP

Украин ҳарбийлари полшаликларнинг Krab русумли артиллерия қурилмаси ичида.
Dimitar DILKOFF / AFP

Донецк областидаги фронт чизиғида дам олиш вақтидаги украин ҳарбийси
Dimitar DILKOFF / AFP

Полша томонидан Украина қуролли кучлари ихтиёрига берилган Krab русумли ўзиюрар артиллерия қурилмаси
Dimitar DILKOFF / AFP

Донецк областидаги фронт чизиғидаги ўрмон ичида полшаликларнинг Krab русумли артиллерия қурилмаси.
Dimitar DILKOFF / AFP</sup>
Украинанинг озод этилган ҳудудларидаги болалар

<sup>Украина байроғи илинган дарахтда ўйнаётган болалар, Харкив областининг Дубовое қишлоғи
Carl Court / Getty Images

«Украина қуролли кучлари учун кофе, чай» ёзувлари туширилган табличка кўтарган болакай, Дубовое қишлоғи яқинидаги йўл бўйида
Carl Court / Getty Images

Дубовое қишлоғида таёқни гранатомёт сифатида елкасига қўйиб олган бола дўсти билан кассетали ўқ-дори қолдиғи атрофида ўйнамоқда
Carl Court / Getty Images

Донецк области Шестаковка қишлоғида советларнинг Су-15 қирувчиси нусхаси олдидаги турникка осилаётган болалар
Carl Court / Getty Images</sup>
Урушнинг саккиз ойида Киев қандай ўзгарди?

<sup>Днепрга қараб турган ёшлар
Ed Ram / Getty Images

17 октябр куни россияликлар дрони келиб тушиши оқибатида икки киши ҳалок бўлган уй. Ўша куни жами тўрт киши, жумладан бир нафар ҳомиладор аёл ҳам ҳалок бўлди
Ed Ram / Getty Images

10 октябр куни Украина ҳудуди ёппасига ўққа тутилиши оқибатида Тарас Шевченко парки яқинидаги бино ҳам шикастланган. Ўша куни россиялик ҳарбийлар Киев ва Украинанинг бошқа кўплаб шаҳарларига ҳужум қилишди. Ҳукумат мамлакат бўйлаб 20 киши ҳалок бўлгани ва 100 нафарга яқин киши яраланганини маълум қилган. Киевда беш киши ҳалок бўлиб, 50 дан ортиқ киши тан жароҳатлари олган.
Ed Ram / Getty Images

Мариупол мудофаасида ҳалок бўлган «Азов» полки жангчилари хотирасига София майдонида ташкил этилган кўргазма.
Ed Ram / Getty Images

Россияликларнинг 10 октябр кунги зарбаларидан шикастланган 101 Tower бизнес-маркази кўриниши.
Ed Ram / Getty Images

Киевдаги майдонлардан бирида кўча мусиқачилари. 19 октябрдан Киевда электр энергиясини тежаш бошланди. 20 октябр куни бутун Украина бўйлаб электр энергияси узатишда вақтинча чекловлар кузатилмоқда
Emilio Morenatti / AP / Scanpix / LETA</sup>