Украинада урушнинг 297-куни: Украина бўйлаб ракета зарбалари оқибатлари ва фронт чизиғидаги аскарлар (фото)

Украинада урушнинг 297-куни ўтди. Асосий маълумотлар:

• Москва области ҳарбий комиссари Михаил Фотин икки йиллик муддатли ҳарбий хизматга қайтилишини маълум қилди. РФ мудофаа вазирлиги буни рад этди. Кейинроқ Фотиннинг сўзлари айтилган сюжет ютубдан ўчиб кетди. Унинг ўзи эса бу видео «икки йил олдинги» эканини айтди. «Агор» ҳуқуқ ташкилоти раҳбари Павел Чиков Фотиннинг сўзлари қасддан қилингани ҳақида гапирди — унингча, бундан мақсад чақирув ёшидагиларни ҳарбий комиссариатларга келишга ундаш бўлган;
  
• Кремлнинг хабар беришича, Путин «махсус амалиёт»да қатнашган қўшинларнинг қўшма штабида «ишлаган», штаб қаерда жойлашганига аниқлик киритилмаган. Путин ҳали бирор марта ҳарбий ҳаракатлар ҳудудига келмаган;
  
• Украина қуролли кучлари Бош штабидагилар маълум қилишича, 16 декабр кунги ёппа зарбалар чоғида россиялик ҳарбийлар Украина бўйлаб 98 ракета учирган. Натижада мамлакатнинг бир қатор йирик шаҳарлари ва областлари токсиз қолган. 18 декабр куни Киев мэри Виталий Кличко шаҳарда иссиқлик таъминоти тўлиқ тиклангани ҳақида хабар берди;
  
• Украина қуролли кучлари Россия феврал ойи охирида яна Беларус ҳудудидан Украинага бостириб киришга уринишини айтмоқда. Украина ҳарбий разведкаси маълум қилишича, ҳозирча РФ янги юришга тайёргарлик кўраётгани аломатлари йўқ;
  
• Босиб олинган Запорижжя АЭС ҳудудида ишлатилган ядровий чиқиндиларни сақланадиган омборлар устида ҳимоя гумбазлари қуриш бошланди.

Қуйида сўнгги кунларда Украинанинг турли ҳудудларида олинган суратлар.

Киевда янги йил арчаси

<sup>Киевдаги София майдонига ўрнатилган арча. 12 метр баландликдаги безатилган дарахт генератор ҳисобига ёритилган — аммо кун давомида эмас, маълум соатларда ёритилади. Арча атрофида анъанавий байрам ярмаркаси ташкил этмасликка қарор қилинди. Шу билан бирга, арча атрофида киевликлар ўз гаджетларини қувватлаб олиши мумкин бўлган жой барпо этилди.
Vladyslav Musiienko / Reuters / Scanpix / LETA

Ишчилар янги йил арчасини оқ кабутарлар ва кўк-сариқ шариклар билан безатишмоқда
Danylo Antoniuk / Anadolu Agency / ddp images / Vida Press</sup>
Бахмутдаги аҳоли ва украин аскарлари ҳаёти

<sup>Бахмутлик аёл шаҳар кўчаси бўйлаб ҳаракатланаётган украин ҳарбийлари билан сўзлашмоқда. Бахмут учун фаол жанглар август ойи бошидан буён давом этмоқда. Россиянинг бу йўналишдаги асосий кучи — «Вагнер» хусусий ҳарбий компанияси ёлланма жангчиларидир.
Chris McGrath / Getty Images

Бахмутдаги украин ҳарбийлари
Chris McGrath / Getty Images

Бахмутдаги ташландиқ дўкон олдидаги мушук билан ўйнашаётган украиналик ҳарбий. Айни вақтда россиялик ҳарбийлар шаҳарни ўраб олишга уринмоқда. Фото: Andriy Andriyenko / AP / Scanpix / LETA

Бахмутдаги фронт чизиғига кетаётган украин ҳарбийлари
Diego Herrera Carcedo / Anadolu Agen​cy / ABACAPRESS / ddp images / Vida Press

Фронт чизиғидаги украин ҳарбийси
Diego Herrera Carcedo / Anadolu Agen​cy / ABACAPRESS / ddp images / Vida Press

Украинлар ҳарбий техникаси Бахмутдаги кўчалардан биридан ўтмоқда
Andriy Andriyenko / AP / Scanpix / LETA

Бахмутда вайрон бўлган кўприкда турган украин ҳарбийлари
Diego Herrera Carcedo / Anadolu Agen​cy / ABACAPRESS / ddp images / Vida Press

Бахмутдаги украин ҳарбийси
Diego Herrera Carcedo / Anadolu Agen​cy / ABACAPRESS / ddp images / Vida Press

Бахмутда хандақ қазиётган украин ҳарбийлари
Diego Herrera Carcedo / Anadolu Agen​cy / ABACAPRESS / ddp images / Vida Press</sup>
Донбассдаги украин аскарлари портретлари

<sup>Libcos / AP / Scanpix / LETA

Oleksandr Ratushniak / Reuters / Scanpix / LETA

Oleksandr Ratushniak / Reuters / Scanpix / LETA

Libcos / AP / Scanpix / LETA

Libcos / AP / Scanpix / LETA

Oleksandr Ratushniak / Reuters / Scanpix / LETA</sup>
Запорижжя областидаги украин артиллериячилари

Россия Запорижжя областининг жанубий қисмини назорат қилмоқда. Бу регион — Украина армиясининг навбатдаги қарши ҳужуми рўй бериши мумкин бўлган йўналишлардан бири ҳисобланади. Декабр ойи бошида Украина қуролли кучлари Бош штаби Россия қўшинлари алоҳида бўлинмаларни олиб кетаётгани, Михайловка ва Инженерное посёлкалари, шунингдек Пологи шаҳридаги россияпараст маъмурият ходимларини эвакуацияга тайёрлаётгани ҳақида хабар қилганди.

Бундан ташқари, Бурчак посёлкасида «аҳолининг кўнгилли эвакуацияси» учун рўйхатга олиш ишлари ўтказилган. Шу билан бирга, Мариупол мэри маслаҳатчиси Петро Андрюшченко Мариупол орқали Бердянска ва Мелитопол шаҳарлари йўналишида Россия ҳарбий техникалари кўпайтирилганини айтган.

<sup>Украин ҳарбийлари Запорижжя областидаги фронт чизиғида
Reuters / Scanpix / LETA

Украин ҳарбийлари «Мста-Б» гаубицасини яширишмоқда
Kateryna Klochko / AP / Scanpix / LETA

Reuters / Scanpix / LETA

Kateryna Klochko / AP / Scanpix / LETA

Reuters / Scanpix / LETA</sup>
Украина бўйлаб ракета зарбалари оқибатлари

Россиянинг ракета зарбаларидан бири Кривий Риҳдаги турар жой биноси подъездини вайрон қилди. Натижада тўрт киши ҳалок бўлиб, 13 киши яраланди, улар орасида тўрт нафар бола ҳам бор. 17 декабр тонгида Днепропетровск области ҳарбий маъмурияти раҳбари Валентин Резниченко уй харобалари орасидан бир ярим ёшли чақалоқ жасади ҳам чиқариб олинганини хабар қилди.

<sup>Украина фавқулодда вазиятлар давлат хизмати ходимлари россияликларнинг Кривий Риҳдаги бинога йўллаган ракета зарбаси оқибатида чиққан ёнғинни ўчирмоқда. Фото: Evgeniy Maloletka / AP / Scanpix / LETA

Қизил Хоч ташкилоти ходими Кривий Риҳда вайрон бўлган бино олдида маҳаллий аҳоли вакилини юпатмоқда
Evgeniy Maloletka / AP / Scanpix / LETA

Уй харобаларида ишлаётган қутқарувчилар
Mykola Synelnykov / Reuters / Scanpix / LETA

Mykola Synelnykov / Reuters / Scanpix / LETA</sup>
Украина бўйлаб ракета зарбаларидан кейинги блэкаут

<sup>Киев маркази. 16 декабр куни Россия ҳарбийлари яна бир бор энергетика объектларига йўллаган зарбалардан кейин барда шам ёруғида ўтирган одамлар. Фото: Dimitar Dilkoff / AFP / Scanpix / LETA

Киевдаги уйлардан бири деворидаги соат. Россия ҳарбийларининг энергетика инфратузилмалари объектларини ўққа тутиши оқибатида Украина пойтахти яна электр энергияси таъминотисиз қолди
Mustafa Ciftci / Anadolu Agen​cy / ABACAPRESS / ddp images / Vida Press

Киев аҳолиси вакили исиниш пунктида ўғлини ингалятор орқали нафас олдирмоқда
Oleg Petrasyuk / EPA / Scanpix / LETA

Киев аҳолиси вакиллари метро бекатида интернетга кириш учун сигнал қидирмоқда
Valentyn Ogirenko / Reuters / Scanpix / LETA

Киев аҳолиси вакиллари бекатда автобус кутмоқда. Шаҳарда метро электр энергиясини ўчириш вақтида ишламаяпти
Sergei Supinsky / AFP / Scanpix / LETA

Киев аҳолиси вакили электр энергиясини ўчириш вақтида
Dimitar Dilkoff / AFP / Scanpix / LETA

Краматорск аҳолиси вакили ўз уйи ҳовлисида гулханда кечки овқат тайёрламоқда
Andriy Andriyenko / AP / Scanpix / LETA</sup>