Ҳиндистонда газли ичимликдан татиб кўрмоқчи бўлган кобра унинг идишига тиқилиб қолди

Ҳиндистоннинг Карнатака штатида яшовчи кишилардан бири ўрмондан унчалик узоқ бўлмаган ерда кобра ётганига гувоҳ бўлади. Суратларга қараганда кобра ширин ичимлик қолдиғидан татиб кўриш учун банка ичига кирган.

Аммо судралиб юрувчи бошини тор тешикдан чиқара олмаган. Йўловчилар банка “асира”сига яқинлашишдан қўрқиб, воқеа жойига мутахассисни чақирдилар.

Мутахассис етиб келганидан сўнг банкани ўта эҳтиёткорлик билан кесган ва ширин ичимликлар муҳлисаси ўз “асирлик” дақиқалари билан хайрлашган.