Кениялик рассом чиқиндилардан декоратив кўзойнаклар ясамоқда

Найроби кўчаларида йиғилиб қолган чиқиндилар: симлар, игналар, шиша идишлар ва бошқа қолдиқларни кўрган Cирус Кабиру улардан декоратив кўзойнаклар ясашни бошлади.

\"Мен чиқиндиларга иккинчи имконият беришни истадим\", – дейди у. Найробида туғилиб ўсган Кабиру дастлаб худди болалардек қўлбола кўзойнак тайёрлаган.

У ўзи ясайдиган кўзойнакларнинг санъат асари эканлигига ишонади. Кабиру кўзойнак билан бирга турли ниқоблар ҳам ясайди.

Рассом бутун дунё бўйлаб саёҳатгга чиқишни ният қилган. Сафар давомида у чиқиндилардан унумли фойдаланишни одамларга ўргатади ва ўз санъатини бутун дунёга намойиш этади. Кабиру \"кўзойнаклари\"нинг ҳеч бирида линза йўқ. \"Декоратив кўзойнаклар яхшироқ кўриш учун эмас, дунёни бошқачароқ кўриш учун тақилади\", – дейди у.