Россиялик бизнесменлар орасида Алишер Усмоновнинг самолёти энг қиммати деб топилди

^{Алишер Усмоновнинг самолёти. Фото: Forbes}
Forbes журнали россиялик бизнесменларнинг 50 та энг қиммат самолётларидан иборат рейтингни тузди.

Унда Алишер Усмоновнинг 2008 йилда чиқарилган Airbus A340 самолёти биринчи поғонада жойлашди. У 150 миллион долларга баҳоланмоқда.

^{Роман Абрамовичнинг Boeing’и. Фото: Forbes}
Иккинчи ва учинчи ўринларни Роман Абрамовичнинг Boeing 767 (2003) ва Airbus A319 (2014) самолётлари банд этди. Улар тегишли равишда 120 миллион ва 85 миллион долларга тенгдир.

^{Роман Абрамовичнинг Airbus’и. Фото: Forbes}
Андрей Скоч ва унинг оиласига тегишли 71 миллион долларлик Airbus A319 самолёти тўртинчи, Андрей Козициннинг Airbus A320 самолёти (67 миллион доллар) — бешинчи ўринда жойлашди.