Бағдодда АҚШ қўшинларининг Ироқда бўлиб туришига қарши оммавий намойишлар бўлиб ўтди

^{Фото: Reuters}
Бағдодда АҚШ қўшинларининг Ироқда бўлиб туришига қарши оммавий намойишлар бўлиб ўтди. Бу ҳақда «РБК» хабар бермоқда.
Кўчаларга шундай талаб билан тинч намойишлар ўтказиш учун чиқишга маҳаллий шиалар етакчиси Муқтадо ас-Садр чақирди.

The New York Times намойишчилар сонини 200—250 минг, Reuters «ўн минглаб», Al Jazeera эса «минглаб» дея баҳолади.

АҚШ қўшинларининг Ироқда бўлиб туришига қарши оммавий намойишлар жорий йил январь ойи бошидан, Қўшма Штатлар Бағдод аэропорти яқинида берган авиазарба оқибатида эронлик генерал Қосим Сулаймоний ҳалок бўлганидан бери давом этмоқда.