Ўзбекистон олтин қазиб олиш бўйича ТОП-10 га кирди

Visual Capitalist маълумотларига кўра, Ўзбекистон дунёдаги энг йирик олтин қазиб олувчи давлатлар ўнталигига кирди. Мамлакат йилiga 129,1 тонна олтин қазиб олиб, рейтингда 10-ўринни эгаллаган.

Марказий Осиё давлатлари орасида эса Ўзбекистон етакчи ҳисобланмоқда. Қозоғистон 87 тонна кўрсаткич билан минтақада иккинчи ўриндан жой олган.

Дунё рейтингида биринчи ўринни Хитой эгаллаб турибди. Мамлакат йилiga 380,2 тонна олтин қазиб олиб, жаҳон ишлаб чиқаришининг 10 фоиздан ортиғини таъминламоқда.

Иккинчи ўринда Россия 330 тонна билан қайд этилган бўлса, Австралия 284 тонна натижа билан учинчи поғонадан жой олган. Шунингдек, Канада, АҚШ, Гана, Мексика, Индонезия ва Перу ҳам йирик олтин ишлаб чиқарувчилар қаторидан ўрин олган.