Жорий йил бакалавриати учун ўтказилган тест синовлари якунланди

Бугун, 13 август куни барча ҳудудларда тест синовлари якунланди. Бу ҳақда Билимни баҳолаш агентлиги маълум қилди.

Бунда жараёнлар:

• 4 август куни — Фарғона вилоятининг Сўх туманида;
• 11 август куни — Сирдарё вилоятида;
• 12 август куни — Бухоро, Жиззах ва Хоразм вилоятларида;
• 13 август куни — қолган ҳудудларда ўз якунига етган.

Эслатиб ўтамиз, 2023-2024 ўқув йили учун Қорақалпоғистон Республикаси, вилоятлар ва Тошкент шаҳрида ОТМларнинг бакалавриат таълим йўналишларига кириш тест синовлари 2023 йил 1 август куни бошланган эди.