Фотопост: Президент топшириғи билан самарқандликларга 150 миллион сўм ёрдам кўрсатилди

Ўзбекистонда кам таъминланган ва меҳнат лаёқати чегараланган одамларга Ўзбекистон Республикаси Президенти Шавкат Мирзиёев томонидан алоҳида эътибор қаратилмоқда, деб ёзмоқда «Qalampir.uz» сайти.

Жумладан, бугун, 17 июнь куни Шавкат Мирзиёевнинг топшириғига асосан, Самарқанд вилояти аҳолисининг кам таъминланган ҳамда меҳнат лаёқати чегараланган қатламини қўллаб-қувватлаш мақсадида 120 нафарга яқин кишига тикув машиналари, ногиронлар аравачалари, эшитиш аппаратлари, ҳассалар, даволанишга бепул йўлланмалар ҳамда 150 миллион сўм миқдорида моддий ёрдам кўрсатилди.

Эслатиб ўтамиз, жорий йилнинг 1-3 июнь кунлари Сирдарё вилоятидаги сайёр қабул давомида ҳам муҳтож фуқароларга Президент топшириғи билан ногиронлар аравачаси ва тикув машиналари совға қилинган эди.