Энди кўчмас мулк ҳақидаги маълумотларни онлайн тарзда билишингиз мумкин

Тошкент шаҳар ер ресурслари ва давлат кадастри бошқармаси кўчмас мулк ҳақидаги маълумотларни аниқлаш хизматини синов режимида ишга туширди.

Мазкур онлайн-ресурсдан фойдаланиш орқали кўчмас мулк жойлашган манзил, унинг инвентар баҳоси, яшаш хоналари ва майдони, унга нисбатан тақиқ бор-йўқлиги, солиқ ставкалари бўйича иқтисодий зонани билиш имкони мавжуд бўлади.

Маълум бўлишича, ушбу ресурс фуқаролар ва юридик шахсларнинг кўчмас мулк бўйича мурожаатлари ҳажми ошганлиги сабаб ишга туширилган.