Зохиршоҳ Жўраев Ботир Қодиров унинг акаси экани ҳақидаги миш-мишларга нуқта қўйди (видео)

Зохиршоҳ Жўраев \"Миллий\" телеканалининг \"Нишондасиз\" кўрсатувида иштирок этиб, оилавий миш-мишларга нуқта қўйди.

Кўрсатув давомида бошловчи Зохиршоҳдан Ботир Қодиров Шерали Жўраевнинг фарзанди экани ҳақидаги миш-мишларга ойдинлик киритишини сўради. \"Бу ёлғон. Биз бу миш-мишларни кулги билан қабул қиламиз. Ўйлайманки, бу каби миш-мишларнинг тарқалиши Ботир Қодировнинг онасига нисбатан катта ҳурматсизлик\", - деди Зохиршоҳ. Қайд этиш лозимки, Ботир Қодировнинг онаси Шерали Жўраевнинг раққосаси сифатида фаолият кўрсатган. Ботир Қодиров хонанданинг ўғли бўлиши мумкинлиги ҳақидаги миш-мишлар бундан бир неча йил илгари тарқалган эди.

Маълумот ўрнида:
Бу гап-сўзларга жиддий эътибор қаратган Шерали Жўраев тўйлардан бирида қилган чиқишида унинг ўғиллари иккита эканини қайд этган.