Ҳувайдо Жумаева турмуши ҳақида кутилмаган сирларни очди
 | |||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Ўзбек кино ва театр санъатида ўз ўрнига эга актриса Huvaydo Jumayeva шахсий ҳаёти, ижоддаги машаққатли йўли ва оиласи ҳақидаги самимий фикрлари билан мухлислар эътиборини тортди. Актриса интервьюлардан бирида рол ижро этаётганда бутунлай образга кириб кетиши, ҳатто ўзлигини ҳам унутиб қўйишини айтди. Унинг таъкидлашича, саҳна ва камера олдидаги масъулият инсоннинг ҳар қандай чарчоғини унуттирар экан.
Huvaydo Jumayeva ижодининг илк даврларини эслар экан, ўша пайтларда жуда содда инсон бўлганини тан олди. Унинг фикрича, йиллар давомидаги машҳурлик ва атрофдагиларнинг мақтовлари инсон характерига ҳам таъсир ўтказар экан. Актриса машҳурликка осонлик билан эришмаганини ҳам таъкидлади. Институтни тугатгач, турли кастинглар, синовлар ва узоқ кутилган имкониятлар ортидан юрганини айтди. Унинг сўзларига кўра, халқ меҳри ва эътирофига етишиш учун қарийб 18 йил сабр қилишга тўғри келган.
Суҳбат давомида актриса шахсий ҳаёти ҳақида ҳам кутилмаган иқрорлар қилди. У турмуш ўртоғи билан оила қуришга дастлаб ички истаксиз рози бўлганини яширмади. Айтишича, ўша вақтда қариндошлар ва яқинлар босими, шунингдек, “нега турмуш қурмаяпсан?” деган саволлар уни қаттиқ чарчатган. Бироқ тўй куни куёвни кўрганидан кейин барча фикри ўзгарганини айтган актриса, айнан ўша лаҳзадан турмуш ўртоғини чин дилдан яхши кўриб қолганини таъкидлади.
Бугунги кунда Huvaydo Jumayeva ўзини бахтли она ва турмуш ўртоғи сифатида ҳис қилишини айтиб, оиласи сабри ва қўллаб-қувватлаши учун миннатдор эканини билдирди. | |||||||||||||||||||||||||||||
