Умар Шамсиевдан самимий эътироф — “40 дан кейин севги бошқача экан”
Умар Шамсиев “ОМОН-ОМОН” дастури меҳмони бўлганида “Биз бирга бўламиз” номли қўшиғи, унинг кимга аталганлиги ва сўнгги пайтларда севги-муҳаббат ҳақидаги қўшиқлари сабабини очиб берди.
Бошловчи хонандадан: “ \'Биз бирга бўламиз\' қўшиғингизни кўрдик, эшитдик. Видеоларда аёлингизни ҳам суратга туширгансиз. Нега айнан шу қўшиғингизга аёлингизни олиб чиқиш ғояси туғилди? Ахир қизлар, актрисалар ҳам кўп-ку,” дея сўради.
Хонанда эса бунга қуйидагича жавоб берди:
“Ўзи бу қўшиғим жуфти ҳалоллар, ёрлар учун аталган эди. Шунинг учун ҳам аёлим билан видео олиш ғояси туғилди. Чунки биз эркаклар аёлларни ҳурмат қилишимиз, асрашимиз, қадрлашимиз керак. Ўзимнинг тажрибамдан келиб чиқиб айтаман — одам 40 ёшдан ошгандан кейин севишни, севилишни, ҳаётни қадрлашни, ёнидаги аёлининг борлигини ҳис қилишни бошларкан. Шунинг учун ҳам охирги пайтларда қўшиқларим севги ва муҳаббат ҳақида бўляпти. Бунинг сабаби ҳам шу — шундан илҳом оляпман,” — деди у кулиб.
Шундан сўнг бошловчилардан бири ҳазил аралаш:
“Охири амаллаб тушунтириб бердингиз, бир сўз билан айтганда — аёлимни иккинчи бор севиб қоляпман денг,” — дея кулди.
Яна қўшимча қилиб: “Зўр, биз бундан хурсандмиз,” — деди гапини якунлаб.
