Паризода кулиб айтди: “Қизимни клипда йиғлатиш учун чимчилаб олдим”
Раққоса Паризодага ўтган концертдаги чиқишлари юзасидан савол берилди. Суҳбат давомида унга: “Аввалги концертда сизни қизингиз билан кўрган эдик, бу мухлисларга жуда ёққан эди. Нега бу сафар ёлғиз рақсга тушяпсиз?” деган савол йўлланди.
Раққоса бу саволга жавобан, аслида қизи ҳам, шунингдек “Паризода” рақс мактабидаги ўқувчи қизлар ҳам саҳнада бўлишни исташганини айтди. Бироқ уларнинг иштироки чекланганига сабаб вақт етишмаслиги бўлганини таъкидлади.
У шунингдек, яқин кунларда — 16 йил деганда илк бор концерт дастури тайёрлаётганини ҳам маълум қилди. Унинг айтишича, катта қизи Эъзозахон Зумрад ва кичик қизи “Қиммат” образини ижро этмоқда. Шунинг учун бу сафар уларни саҳнага олиб чиқиш имкони бўлмади.
Кейинги саволда эса раққосанинг қизи иштирок этган Озода Нурсаидованинг “Тўйлар муборак” клипи ҳақида фикри сўралди. Унда қизи бош ролни ижро этгани ҳам муҳокама қилинди.
Паризода клип ҳақида гапирар экан, аввалига қўшиқнинг ўзи унга жуда ёққанини айтди:
“Менга аслида қўшиқ жуда ёққан эди. Клипдан олдин катта умидларим бор эди, чунки унда жуда таъсирли саҳналар бор эди. Қизим Эъзозахон ҳам рол ижро этган. Эъзозани қўшиқ айтадиган жойи бор, биринчи кадрда йиғлаши керак бўлган. Лекин у ҳали кичкина, 14 ёшли қиз бўлгани учун ҳеч нарсани тушунмайди. Йиғла, йиғла десак ҳам биз уни ҳеч йиғлатолмадик. Биз эса мусиқанинг таъсиридан ўзимиз йиғлаб юбордик.”
У кулиб давом этиб, қизи йиғламагач, охир-оқибат уни қаттиқ чимчилаб олганини ҳам қўшимча қилди. Унинг айтишича, шундан сўнг қизи қийналиб, керакли саҳнани ижро эта олган.
