Нодирбек Абдусатторов "Armageddon Championship" мусобақасини иккинчи ўринда якунлади

Шахматчимиз Нодирбек Абдусатторов Германиянинг Берлин шаҳрида ўтказилган \"Armageddon Championship\" мусобақасининг Осиё ва Океания минтақавий босқичи гранд финалида дона сурди.

 

У ўтиш босқичида россиялик Владимир Крамникни 2-1 ҳисобида мағлуб этиб, гранд финалга йўл олган эди. Ҳиндистонлик Гукешга қарши кечган гранд финал ҳамюртимизнинг 0,5-1,5 ҳисобидаги мағлубияти билан якунланди ва Нодирбек минтақавий босқичда 2-ўринни қўлга киритди.

 

Шу билан биргаликда, Гукеш ва Абдусатторов сентябрда бўладиган мусобақанинг жаҳон босқичида иштирок этадиган бўлди.