Ризо Инояти: "Осиё ўйинларида ўйин амалиёти кам футболчиларга имкон берамиз"

U-23 Осиё кубоги саралашининг 3-туридан ўрин олган Ўзбекистон — Эрон (1:0) учрашувидан сўнг меҳмонлар бош мураббийи Ризо Инояти матбуот анжуманида иштирок этиб бугунги ўйин ҳақида қуйидагиларни айтди.

- Ўйин ҳақида

- Ўзбекистон терма жамоасини табриклайман. Рақиб кўп имкониятлардан фойдаланди. Режаларимизнинг баъзилари ўхшади, баъзилари ўхшамади.

- Бугун жамоа дурангга рози бўлиб ўйнагандек таассурот қолдирди...

- Бугунги дуранг иккала жамоа учун ҳам яхши бўларди. Афсуски, бугун рақиб жамоа устун келди.

- Осиё ўйинлари учун тайёргарлик қандай кечади?

- Осиё ўйинларида ўйин амалиёти камроқ тақдим этилган ўйинчиларга имконият бермоқчимиз. Шуннигдек, ушбу таркибга киритилмаган бошқа ўйинчиларга ҳам имкон берамиз. Хитойга максимал тайёргарлик билан борамиз.

- Осиё ўйинларида 23 ёшдан катта бўлган уч нафар футболчи чақириш имкониятингиз бор. Бундан фойдаланасизми?

- Тўғри таъкидлаб ўтдингиз, бизда шундай имконият бор. Бироқ Эрон чемпионатидаги тиғиз тақвим сабабли 23 ёшдан катта футболчилардан иккитасини таркибга чақирамиз.

- Шогирдларингиз иккинчи қаватда яхши ўйнади, шунга қарамай, мағлубиятга учради...

- Бу футбол. Барча режаларимиз амалга ошмади. Барча максимал формада майдонга тушганди. Аммо кўрсатмаларни тўлиқ бажара олишмади.