"Пахтакор" эртага ютса, чемпион бўлади. "Қизилқум" ўтиш ўйинида қатнашади (турнир жадвали)
Ўзбекистон Суперлигаси 25-туридан ўрин олган \"Бунёдкор\" - \"Металлург\", \"Нефтчи\" - \"Қизилқум\" ва \"Насаф\" - \"Сўғдиёна\" баҳслари якунланди.
\"Бунёдкор\" ва \"Металлург\" ўртасидаги ўйинда 1:0 ҳисобида \"қалдирғочлар\" ғалаба қозонган бўлса, \"Нефтчи\" ўз уйида \"Қизилқум\"ни 1:0 ҳисобида таслим этди. Шунингдек, \"Насаф\" Қаршида \"Сўғдиёна\" билан муроса кўчасини танлади - 0:0.
Ушбу ўйинлардан сўнг Суперлига турнир жадвали қуйидагича кўриниш олди:
Шу тариқа, эртага \"Пахтакор\" Тошкентда \"Сурхон\"дан устун келса (3 очко олса), чемпионат якунига 1 тур қолганида муддатидан олдин чемпионлик масаласини ҳал қилади. Қолаверса, 22 очко тўплаган \"Қизилқум\" сўнгги турдаги натижадан қатъий назар ўз ўрнида қоладиган бўлди. Бу шуни англатадики, навоийликлар Суперлига ўйинлари тугагач, 6 декабрь санасида \"Қўқон-1912\" жамоаси билан Суперлига йўлланмаси учун куч синашади.
