Қатар Спорт ва ёшлар вазири Ўзбекистон миллий терма жамоаси делегацияси билан учрашди

Узоқ йиллар мобайнида Қатар футбол ассоциацияси президенти сифатида фаолият юритган, ҳозирда мамлакатнинг Спорт ва ёшлар вазири Шайх Ҳамад бин Халифа бин Аҳмад Ал-Тани Ўзбекистон миллий терма жамоаси делегацияси билан учрашди.

Сўнгги йилларда юртимизда футболни ривожлантириш борасидаги ҳаракатларни юқори баҳолаб, икки мамлакат футбол ассоциациялари ўртасидаги ҳамкорлик лойиҳаларига тўхталиб ўтди. Ўзбекистон U-17, U-20 ва U-23 терма жамоаларининг қитъа ва халқаро майдондаги натижаларини эътироф этди. Миллий терма жамоамизнинг Осиё кубогидаги ўйинларига омад тилади.