Саудиялик шаҳзода Абдулла Саад Абдул-Азиз ал-Сауд Саудия чемпионатининг келажаги борасида ўз фикрларини билдирди.
“Албатта, Килиан Мбаппе бизга ёқади. У жуда яхши футболчи, уни чемпионатимизнинг исталган жамоасида кўришни хоҳлардик. Мбаппени Саудия Арабистонида кўриш жуда қизиқ бўлади.
Саудия ҳозирда трансфер бозорининг энг фаол иштирокчиси. Бизда Криштиану Роналду, Карим Бенземалар бор. Ва биз ҳайрон қолдиришда давом этамиз. Ҳали яна янги юлдузлар келади.
Саудия Арабистони футболда биринчи рақамли бўлишни мақсад қилган”, — дейди шаҳзода.
