Бугун хорижда ўйнаётган легионерларимизнинг 5 нафари чемпионат ўйинларида қатнашади

Бугун хорижда ўйнаётган легионерларимиз ўз жамоаси билан чемпионат учрашувларини ўтказади.

Бугун РПЛнниг 20-тур ўйинларига старт берилади. Аббосбек Файзуллаев ҳаракат қилаётган ЦСКА сафарда \"Крилья Советов\" билан баҳс олиб боради. Беллашув 16:30да старт олади.

БАА чемпионати 15-турида Азиз Ғаниев шарафини ҳимоя қилаётган \"Шабаб Ал Аҳли\" клуби \"Хатта\" клуби меҳмони бўлади.

Осиё кубогидан сўнг уч нафар легионеримиз Эрон чемпионатига кўчиб ўтганидан хабарингиз бор. Эрон Про Лигаси 19-турида Остон Ўрунов жамоаси - \"Персополис\" ўз майдонида \"Фулад\"ни қабул қилади. Ўйин 19:00да старт олади.

Бундан ташқари, Жалолиддин Машарипов ўйнаётган \"Истиқлол\" сафарда \"Истиқлол Хузистон\" билан беллашади. Ушбу баҳс 21:15да старт олади.

Туркия Суперлигасининг 29-учрашувларига бугун старт берилади. Ҳусниддин Алиқулов жамоаси - \"Ризеспор\" \"Галатасарой\" меҳмони бўлади. Учрашув 22:00да старт олади.