Мадримов—Кроуфорд оқшомининг асосий кард жанглари ҳақида маълумот

Америка Қўшма Штатларининг Лос-Анжелес шаҳрида 3 август куни профессионал бокс оқшоми бўлиб ўтади.

Мусобақанинг асосий жанги WBA йўналишида жаҳон чемпиони Исроил Мадримов ва мағлубиятсиз серия намойиш этаётган Теренс Кроуфорд ўртасида кечади.

Турнирнинг асосий кард жанглари 3 августдан 4 августга ўтар кечаси 02:00 да старт олади.

Асосий кард жанглари билан танишинг:
- Теренс Кроуфорд (40-0) – Исроил Мадримов (10-0-1);
- Исаак Круз (26-2-1) – Хосе Валенсуэла (13-2);
- Энди Руис (35-2) – Жаррелл Миллер (26-1-1);
- Девид Моррел (10-0) – Радивое Калайжич (29-2);
- Энди Круз (4-0) – Антонио Моран (30-6-1).

Риядҳ Seaсон раҳбари Турки ал аш-Шейхнинг маълум қилишича, рэпер Эминем турнирнинг махсус меҳмони бўлади. Рэпер асосий жанг олдидан ўзининг бир неча қўшиқларини ижро этади.

Аш-Шейх постерни тақдим этди:

Теренс Кроуфорд профессионал рингда ўтказган 40 та жангининг барчасида ғалаба қозонган. Ғалабаларининг 31 тасига нокаут орқали эришган.

Мадримов эса 8 март оқшомида Саудия Арабистонининг Ар-Риёд шаҳрида россиялик Магомед Курбановни 5-раундда нокаутга учратиб, WBA камарини қўлга киритганди.