Миразизбек Мирзаҳалилов чемпионлик жангида россиялик рақибига мағлуб бўлди

Озарбайжоннинг Боку шаҳрида ўтказилган “IBA Champion\'s Night\" турнири якунланди. Эътиборлиси, унда ҳамюртимиз Миразизбек Мирзаҳалилов ва россиялик Всеволод Шумков ўзаро жанг қилди.

Қийин ўтиши кутилган баҳс амалда ҳам ўз исботини топди. Тўлиқ 10 раунд давом этган жангда Миразизбек россиялик рақибига имкониятни бой бериб қўйди. Шумков ҳакамларнинг якдил қарорига кўра ғалаба қозонди.

Шундай қилиб, Всеволод Шумков 57 кг вазн тоифасида IBA йўналишида жаҳон чемпионига айланди.