Мбаппе Гвардиола жамоасига хет-трик урган олтинчи футболчи бўлди

Мбаппе Гвардиола жамоасига хет-трик урган олтинчи футболчи бўлди
Мадриднинг \"Реал\" клуби ҳужумчиси Килиан Мбаппе Чемпионлар Лигаси плей-офф босқичининг \"Манчестер Сити\"га қарши жавоб учрашувида хет-трик қайд этди. Франциялик футболчи биринчи бўлимда икки гол урган бўлса, 61-дақиқада учинчи голни киритиб, ҳисобни 3:0 (икки учрашув натижасига кўра 6:2) кўринишига келтирди.

MisterChip маълумотларига кўра, Мбаппе Гвардиола бошқарувидаги жамоаларга қарши хет-трик урган олтинчи футболчига айланди. Бунгача бу натижага қуйидаги футболчилар эришган:

Серхио Агуэро (2014),
Лионель Месси (2016),
Жейми Варди (2016 ва 2020),
Кристофер Нкунку (2021),
Виктор Дёкереш (2024).

Мбаппе \"Реал\"даги илк мавсумини ўтказмоқда. У бунга қадар \"ПСЖ\" сафида тўп сурган.

Хосеп Гвардиола 2016-йилдан буён \"Манчестер Сити\"ни бошқариб келмоқда. Унга қадар эса \"Барселона\" ва \"Бавария\" клубларида ишлаган.
"Zamin"ни Telegram'да ўқинг!
Nodirbek Razzokov
«ZAMIN.UZ» муҳаррири

Мавзуга оид янгиликлар

Маълумот Меҳмон гуруҳидаги фойдаланувчилар ушбу мақолага изоҳ қолдира олмайди.