Ўзбекистон U-17 термаси Марокашга қарши сўнгги баҳсга чиқади

Ўзбекистон U-17 терма жамоаси Испанияда ўтказилаётган йиғин доирасида бугун сўнгги учрашувини ўтказади.

Ўсмир футболчиларимиз бугун Марокаш ёшлари билан тўқнаш келади. Беллашув соат 21:00 да Кадис шаҳрида жойлашган “Антонио Барбадилё” стадионида старт олади.

Эслатиб ўтамиз, мазкур йиғин давомида Ўзбекистон U-17 терма жамоаси Англияга қарши баҳсда 1:3 ҳисобида мағлуб бўлган, Канада билан кечган куч синашувда эса 2:2 ҳисобида дуранг қайд этган эди.

Шу тариқа, Марокашга қарши кечадиган бугунги ўйин ўсмирларимиз учун йиғиннинг якуний синови бўлиб қолади.