Рафаэл Леау соғайди ва «Милан»нинг кейинги ўйинида майдонга тушади

Португалиялик ҳужумчи Рафаэл Леау мушакларидан биридаги яллиғланишдан сўнг соғайди ва клубининг навбатдаги учрашувида ўйнашга тайёр. «Милан» А Сериянинг 17-тури доирасида Италия чемпионати аутсайдерларидан бири — «Верона»га қарши майдонга тушади.

Учрашув якшанба, 28 декабр куни бўлиб ўтиши керак. Леау клубининг аввалги икки ўйинини ўтказиб юборган эди.

Эслатиб ўтамиз, португалиялик футболчи 2019 йилдан бери «Милан» сафида тўп суради. У жамоа билан 2022 йилда Италия чемпиони бўлган.

«Милан»га келишидан аввал у ватани Португалияда Лиссабоннинг «Спортинг» клубида ўйнаган, кейин эса Франциянинг «Лилл» жамоасида бир йил тўп сурган. Ҳозир «Милан» Италия чемпионати турнир жадвалида иккинчи ўринда бормоқда.