Роналду йирик ғалабага ижтимоий тармоқларда камтарона муносабат билдирди

Криштиану Роналду ОФК Чемпионлар лигаси 2 — Осиёдаги нуфузи бўйича иккинчи клуб турнирининг гуруҳ босқичида «Ал-Наср»нинг аввалги беш ўйинида майдонга тушмаганди. Олтинчи турда эса у 45 дақиқа ўйнади — эҳтимол, танаффусдан кейин португалияликка ўйин амалиёти беришга қарор қилинган.

«Ал-Наср» «Ал-Завраа»ни 5:1 ҳисобида йирик мағлуб этди. Роналду эса жамоадошининг голига ассист муаллифи бўлди.

Шуни айтиш керакки, Роналду ижтимоий тармоқларда жамоасининг бу муваффақиятига анча камтарона муносабат билдирди. Португалиялик футболчи шунчаки «Ал-Наср»нинг натижа ҳақидаги постини репост қилди.

Криштиану ушбу эълонни на матн, на эмодзи билан тўлдирди.