Эриксен замонавий футболда ўйинга эътибор камайганини айтди

Германиянинг “Волфсбург” клуби ярим ҳимоячиси Кристиан Эриксен бугунги футбол қандай томонга ўзгариб бораётгани ҳақида фикр билдирди. Бу ҳақда euro-football.ru хабар беради.

Даниялик футболчининг таъкидлашича, ҳозир майдондаги жараёндан кўра рақамлар кўпроқ муҳокама қилинмоқда: статистика, GPS маълумотлари, юқори тезликдаги югуришлар ва турли кўрсаткичлар биринчи ўринга чиқиб кетган.

Эриксен фикрича, шу сабаб футбол ўзига хос услубга эга ижрочиларни йўқотмоқда — классик “ўнталиклар” ва қанотларда дриблинги билан ажралиб турадиган футболчилар тобора камаймоқда.

Шунингдек, у ҳозир футболчидан ёрқин индивидуал фазилатдан кўра жамоавий тизимга мослашиш талаб қилинаётганини қўшимча қилди.

Жорий мавсумда 33 ёшли ярим ҳимоячи “Волфсбург” сафида 13 учрашувда майдонга тушиб, 3 та голли узатма муаллифи бўлди.