Джикия агенти ҳимоячининг «Анталяспор»ни тарк этиши ҳақида гапирди

Туркиянинг «Анталяспор» клубида тўп сураётган россиялик ҳимоячи Георгий Джикиянинг агенти Владимир Кузмичёв футболчининг келажаги юзасидан фикр билдирди. Бу ҳақда euro-football.ru хабар беради.

Агентнинг айтишича, Джикиянинг аҳволи яхши ва клуб мураббийлари унга ишонмоқда. Сўнгги учрашувларда майдонга тушмагани эса микрожароҳат билан боғлиқ бўлган. Ҳозир у тикланган ва кейинги ўйинда таркибда кўриниши кутилмоқда.

Эслатиб ўтамиз, аввалроқ матбуотда турк клуби «Спартак»нинг собиқ сардори билан хайрлашишни истаётгани ҳақида хабарлар тарқалган эди.

Джикиянинг Туркия чемпионатидаги жорий мавсум кўрсаткичлари: 12 та ўйин ва 2 та гол. Футболчининг «Анталяспор» билан амалдаги шартномаси 2027 йил ўрталаригача мўлжалланган.