ПСЖ дарвозабони Сафонов сафга қайтгани ҳақида хабар берди

"ПСЖ" дарвозабони Матвей Сафонов Telegram саҳифасида машғулотдан олинган суратлар билан бўлишди. Энг асосийси, россиялик посбон муҳим янгиликни маълум қилди: у яна сафда ва майдонга тушишга тайёр. Бу ҳақда euro-football.ru хабар беради.

"Яна ишга қайтдим! Эртанги ўйинга тайёргарлик кўряпмиз", — деб ёзди Сафонов.

Сафонов "ПСЖ" таркибида анча вақтдан бери ўйнамаётганди. У ўтган ой Қитъалараро кубок финалида "Фламенго"га қарши учрашувда қўлидан жароҳат олган. Ўша финалда Сафонов пенальтилар сериясида тўртта зарбани қайтариб, жамоасининг қаҳрамонига айланганді.

28-январ, чоршанба куни "ПСЖ" Чемпионлар лигаси доирасида уйида "Ньюкасл"ни қабул қилади. Учрашув 01:00 да (Тошкент вақти билан) бошланади.