«Бока Хуниорс» клубида янги спорт директори тайинланди
Аргентина гранди «Бока Хуниорс» спорт директори лавозимига Марсело Делгадони тайинлаганини маълум қилди. У клуб президенти Хуан Рикельме билан яқиндан ҳамкорликда ишлайди, Рикельме аввал «Барселона» сафида ҳам тўп сурган. Бу ҳақда euro-football.ru хабар беради.
Жамоа таркибини тез фурсатда кучайтиришга эҳтиёж сезмоқда ва энди Рикельме–Делгадо тандемӣ айнан шу йўналишда фаол иш олиб бориши кутилмоқда.
Делгадо футболчилик фаолиятида ҳам катта тажрибага эга: у Аргентина терма жамоасида 1995–2002 йиллар оралиғида 18 та учрашув ўтказган ва 1998 йилги жаҳон чемпионати баҳсларида ҳам майдонга тушган.
Шунингдек, 2003 йилда у Либертадорес кубогининг энг яхши тўпурари бўлган — «Сантос» ҳужумчиси бразилиялик Рикардо Оливейра билан бирга турнирда энг кўп гол урган футболчилар қаторидан жой олган.
