«Бока Хуниорс» клубида янги спорт директори тайинланди
Аргентина гранди «Бока Хуниорс» спорт директори лавозимига Марсело Делгадони тайинлаганини маълум қилди. У клуб президенти Хуан Рикельме билан яқиндан ҳамкорликда ишлайди. Бу ҳақда euro-football.ru хабар беради.
Жамоа таркибини тезкор кучайтиришга эҳтиёж сезаётган «Бока Хуниорс»да энди Делгадонинг асосий вазифаси Рикельме билан бирга трансфер масалаларини жадаллаштириш бўлади.
Делгадо футболчилик фаолиятида ҳам катта тажрибага эга: у 1995–2002 йилларда Аргентина терма жамоасида 18 ўйин ўтказган ва 1998 йилги Жаҳон чемпионатида ҳам иштирок этган.
2003 йилда эса Делгадонинг ҳужумчилик қобилияти алоҳида кўзга ташланган — у Либертадорес кубоги мавсумида «Сантос» вакили Рикардо Оливейра билан бирга мусобақанинг энг кўп гол урган футболчилари қаторидан жой олган.
