Слуцкий бошқарувидаги «Шанхай Шенхуа» Осиёда яна ютқазди

Леонид Слуцкий мураббийлик қилаётган «Шанхай Шенхуа» Осиё Чемпионлар лигасида навбатдаги учрашувни ҳам очкосиз якунлади. Хитой клуби умумий босқичнинг 6-турида сафарда «Хиросима»га 0:1 ҳисобида имкониятни бой берди. Бу ҳақда euro-football.ru хабар беради.

Учрашув тақдирини 78-дақиқада киритилган гол ҳал қилди: мезбонлар сафида ҳимоячи Ҳаято Араки аниқ зарба билан фарқни юзага келтирди. Бу натижа «Шанхай Шенхуа» учун мусобақадаги кетма-кет учинчи мағлубият бўлди.

Олти турдан сўнг Слуцкий жамоаси 4 очко билан турнир жадвалида 11-ўринда бормоқда. «Хиросима» эса 11 очко жамғарган ҳолда 3-поғонани эгаллаб турибди.